اختلاف الرأي يفسد للود قضية

لكل واحد مننا رأي وهو حر فيه ومش من حق حد يفرض رأيه على التاني .

ده كلام موزون وجميل .....

بس المشكلة اني وقعت ما واحد صحبي روووووعة

يعني إيه ..؟

هو من الطبيعي نتناقش ونختلف وده طبع البشر...صح ...؟

بس ده بقى لا ...ازاي...؟

يعني احنا قاعديين بنتكلم عادي وفجأة سكت ومش عايز يتكلم في ايه يا نجم..؟

ما انت مش مقتنع بكلامي ...

طب عادي نتكلم في حاجة تانية ...

ما انا كل ما اقولك حاجة هاتقول لا وتعارضني ..

امال عايزني اقولك امين على كل حاجة ...؟

خلاص بلاش نكلم وانا غلطان اني بكلم واحد زيك

يا عم الله يسامحك وً على ذوقك

سلام ... الف سلامة

ايه رأيكم في اللي حصل ده...؟

هو مش قالوا زمان الخلاف في الرأي لا يفسد للود قضية...؟

ولا كانوا غلطانين و كلمة (لا) دي وقعت من كلمة تانية..؟

عموماً يا رجالة إيه رأيكم في الحكاية ده...؟